Cester - Wikipedia

Çester (ing. Chester) — Böyük Britaniyanın qərbində şəhər. Çeşir qraflığının inzibati mərkəzi. Əhalisi 118,2 min nəfərdir (2011). Liverpuldan 25 km. cənubda, Di çayı sahilindədir.

Şəhər
Çester
Chester
Gerb
53°12′ şm. e. 2°53′ q. u.HGYO
Ölkə	Birləşmiş Krallıq
Tarixi və coğrafiyası
Əsası qoyulub	79
Sahəsi	23,6 km²[1]
Saat qurşağı	UTC±0 UTC+01:00
Əhalisi
Əhalisi	87.507 nəf. (2016)[1]
Rəqəmsal identifikatorlar
Poçt indeksi	CH1-4
Digər
lordmayorchester.co.uk
Xəritəni göstər/gizlə Çester
Vikianbarda əlaqəli mediafayllar

Çester romalıların dövründə Kastra Devana adlı Roma Britaniyasının mühüm mərkəzi idi. Erkən orta əsrlərdə tərk edilmişdir (ehtimal ki, dağıdılmışdır). Anqlsaks dövründə "Legaseaster" adlandırılmışdır (Çester adı da sonralar buradan alınmışdır). XIII əsrin ikinci yarısında İngiltərə krallarının Şimali Uelsi zəbt etmək uğrunda apardıqları mübarizənin mühüm dayaq məntəqəssi olmuşdur. Orta əsrlərdə iri çay portu (XIII əsr - XIV əsrin birinci yarısında daha mühüm rol oynamışdır) olmuş, sonralar tədricən əvvəlki əhəmiyyətini itirmiş, XVIII-XIX əsrlərdə isə port kimi qəti olaraq Liverpul tərəfindən sıxışdırılmışdır.

Çester qədim ticarət mərkəzidir. Suvenir istehsal edilir. Orta əsrlərin faxverkli tikililəri qorunub saxlanılmışdır. Qrovner muzeyi (yerli asari-ətiqə) var. Turizm mərkəzidir.