Jul Byanki - Wikipedia

Jül Byanki 1989-cu ildə Fransanın Nitsa şəhərində anadan olmuşdur.^[8][9][10] Avtomobil yarışlarına kartinq ilə başlamış, 2007-ci ildə kartinq yarışlarını Formula-1 yarışları ilə əvəzləmişdir.^[8][11] 2007-ci ildə Formula Renault 2.0 komandası ilə Formula 3 Euro Series yarışlarının qalibi olmuşdur.^[12][13] 2009-cu ildən etibarən GP2 Asia Series yarışlarında yarışmağa başlayan Jül 2010-cu il sezonunda GP2 pilotu seçilmişdir.^[14][15]

GP2-də yarışlara çıxdığı dönəmdə, Skuderiya Ferrari komandasının test sürücüsü seçilmişdir.^[16] 2012-ci il sezonununda Skuderiya Ferrari tərəfindən Force İndia komandasına icarəyə verilən Byanki əvəzedici pilot kimi test yürüşlərində trasa çıxmışdır.^[17] 2013-cü il sezonunun əvvəlində, müqaviləsi ləğv edilən Luis Razianın əvəzinə Marussia Formula-1 komandasının əsas pilotu seçilmiş və 2014-cü il sezonu boyunca yarışlarda komandası üçün mübarizə aparmışdır.^[18][19]

Formula-1 yarışlarının gələcək ulduzu kimi görülən Jul Byanki 2014-cü ilin 5 oktyabr tarixində Yaponiyanın Suzuka şəhərində keçirilən Formula-1 yarışlarında ağır qəza keçirmişdir.^[20][21][22] Hadisə baş verən gün Yaponiya və ölkənin şimal əraziləri güclü Panfon tayfunundan əziyyət çəkməkdə idi. Şiddətli yağışların altında keçirilən yarışın 43-cü dövrəsində avtomobilinin idarə etməsini itirən Jül Byanki daha əvvəl qəza keçirmiş bir yarış avtomobilini trasdan kənarlaşdırmağa çalışan evakuator ilə toqquşmuşdur.^{[23][24][25][26]}

Qəzadan sonra Byankinin huşunun itirilməsi barədə raport yayınlandı. İlkin tibbi yardımını ardından xəstəxanaya yerləşdirilən fransız pilot səkkiz ay xəstəxanada qaldıqdan sonra 2015-ci ilin 17 iyul tarixində vəfat etmişdir. Jül Byankinin ölümünə qədər Formula-1 pilotları arasında ölüm faktı 1994-cü ildə Ayrton Sennanın San-Marino transında faciəvi ölümü ilə baş vermişdir.^[27]