Veldenz Qrafligi - Wikipedia
Veldenz qraflığı (alm. Grafschaft Veldenz) müasir Reynland-Pfalts torpaqlarında bir knyazlıq idi. Qismən Kaizerslautern, Şponhaym və Çvaybrükgen arasında, qismən də Trir arxiyepiskopluğunda Mozel şəhəri ətrafında yerləşirdi. Eyniadlı bələdiyyə və qala azırkı Bernkastel-Vitlix rayonunda yerləşir.
| Tarixi dövlət | |||
| Veldenz qraflığı | |||
|---|---|---|---|
| alm. Grafschaft Veldenz | |||
|
|||
 |
|||
|
|
|||
Tarixi
redaktəVeldenz qraflığı 1112-ci ildə Kirburq və Şmidburq ailəsinin vildqraflıqlarından qoparılaraq yaradılmışdı. İlk qraf sülaləsinin birbaşa kişi xətti 1260-cı ildə Veldenzli V Gerlax və onun qızı Aqnesin ölümü ilə kəsildi. Onun əri 1260-cı ildə mahalı miras aldı. Qeroldsekli Henrix Veldenz qraflarının və ya Veldenz-Qeroldsek (Hohenqeroldsek) sülaləsinin ikinci xəttinin qurucusu oldu. 1444-cü ildə qraflıq III Fridrixin yeganə varisi Anna ilə evlənmiş Zimmern-Çvaybrükgen hersoqu Stefanın hakimiyyəti altına düşdü. 1532-ci ildə Çvaybrükgen hersoqluğunun bütün ərazisi hələ uşaq olan Volfqanqa keçdi. 1543-cü ildə Volfqanq yetkinliyə çatdıqda və Marburq müqaviləsini imzaladı və 11 il qəyyum kimi xidmət edən əmisi Rupertə Veldenz qraflığını verdi.
Rupert 1544-cü ildə vəfat edəndə oğlu Georq İohann onu əvəz etdi. Georq 1563-cü ildə isveçli I Qustavın qızı olan Anna Mariya ilə evləndi. Volfqanq 1553-cü ildə Haydelberq müqaviləsi ilə Veldenz-Pfaltsdan Elzasdakı Lützelşteyn qraflığına qədər uzanan bütün Vittelsbax qollarının qarşılıqlı mirasını tənzimləmişdi. Georg Hansın nəvəsi Leopold Lüdviq fon Lützelşteyn qanuni övladları olmadan 1694-cü ildə öldü və Veldenz qraflığı Çvaybrükgen xəttinə, spesifik olaraq İsveç Kralı XI Karla qayıtdı.
1801-ci ildə Birinci Fransa İmperiyasının Saar departamentinə daxil edildi. 1815-ci il Vyana Konqresi, Mozel üzərində yerləşən qraflığın kiçik hissəsini Prussiyaya, qalan hissəsini isə Bavariyaya verdi.
Qrafları
redaktə- Emix, Kirburq və Şmidburq qrafı (1086–1113)
- I Gerlax (1113–1146)
- II Gerlax (1146–1186)
- III Gerlax (1186–1214)
- IV Gerlax (1214–1254)
- V Gerlax (1254–1260)
- Aqnes (1260–1277)
- I Henrix (1277–1298) ∞ Aqneslə evləndi
- Valter (1298–1327)
- Georq (1327–1347)
- II Henrix (1347–1378)
- II Fridrix (1378–1396)
- III Henrix (1378–1389)
- IV Henrix (1389–1393)
- III Fridrix (1393–1444)
- Stefan (1444)
- I Lüdviq (1444–1489)
- Aleksandr (1489–1514)
- II Lüdviq (1514–1532)
- Volfqanq (1532–1543)
- Rupert (1543–1544)
- Georq İohann (1544–1592)
- Georq Qustavus (1592–1634)
- Leopold Lüdviq (1634–1694)
