Vikipediya Kend Meydani Arxiv Noyabr 2023 - Wikipedia

Johanna Strodt (WMDE), 13:11, 15 noyabr 2023 (UTC)[cavabla]

Salam, təklif edirəm Azərbaycanca Vikipediyada məqalələr avtomatik şəkildə qaralama fəzasında yaradılsın. Bu fəzanın üstünlüyü ondadır ki, daxilindəki materiallar axtarış sistemlərinda görünmür. Patrullar və inzibatçılar məqalə normal vəziyyətə gəldikdən sonra səhifəni təsdiqləyib adi məqaləyə çevirsinlər. Təbii ki, bütün istifadəçilərdə bu olmayacaq, yalnız yeni qeydiyyatdan keçən istifadəçilər üçün çalışsın sistem. Bu düşünürəm ki, pərakəndə yaradılan problemli məqalə trafikinin də qarşısını alacaq.— Turkmen ^müzakirə 12:07, 1 noyabr 2023 (UTC)[cavabla]

Salam. Patrulların və patrul hüququ olanların(inzibatçıların) statistikasına baxmısız? (Link qoyum bir də axtarmağa vaxt gedməsin)— Bikar ^müzakirə 12:09, 1 noyabr 2023 (UTC)[cavabla]

@Bikar Salam, bəs təklifiniz nədir? Bu qədər qeyri-ensiklopedik, stil kitabçası pozulmuş, müəllif hüququ pozuntuları olan məqalələrə və s. qarşı? Biri var yaradılsın mübarizə aparılsın, biri var artıq yaradan istifadəçi normal vəziyyətə salmaq üçün can atsın. Həmçinin müəyyən müddət qaldıqdan sonra məqalə zatən silinəcək. Qaralama fəzası ilk yaradılanda müddət üçün hədd qoymuşduq. Sadəcə unutmuşam. O müddətdən sonra məqalə avtomatik silinir. Turkmen ^müzakirə 12:13, 1 noyabr 2023 (UTC)[cavabla]

Təklif yaxşıdı, amma bu aktivliklə yox. Məqalələr yığılacaq, heç baxılmadan silinib gedəcək. Bir şey də var ki, inzibatçıların yeni məqalələrə düzəliş etdikləri olur, amma patrullamırlar. Statistikaya təsir göstərir. Bundan sonra hansısa patrulun ödəniş qarşılığında məqaləni qaralamadan çıxarmasını görsəm təccüblənmərəm.— Bikar ^müzakirə 12:18, 1 noyabr 2023 (UTC)[cavabla]

İstifadəçiləri patrul olmağa təşviq etmək lazımdır. Bu yaxınlarda bir neçə qeyri-aktiv patruldan hüququ almışam. Nemoralis (müzakirə) 12:20, 1 noyabr 2023 (UTC)[cavabla]

Ən yaxşısı elə birdəfəlik Page Curation sistemini tətbiq etməkdir. İçində həm siz deyən var, həm daha geniş alətlər Nemoralis (müzakirə) 12:18, 1 noyabr 2023 (UTC)[cavabla]

@Nemoralislə razıyam. samral ^müzakirə 15:46, 1 noyabr 2023 (UTC)[cavabla]

@Nemoralis sizin təklif etdiyiniz daha yaxşı versiyadır. Turkmen ^müzakirə 15:53, 1 noyabr 2023 (UTC)[cavabla]

@Turkmen, yeni qeydiyyatdan keçmiş istifadəçi deyəndə neçə günlük istifadəçilərdən söhbət gedir? Neçə gün sonra draft olmayan məqalə yarada biləcəklər? Şiroi Akuma 07:51, 2 noyabr 2023 (UTC)[cavabla]

@White Demon məncə, burada 4 gün və 10 redaktə nəzərdə tutulur (Autoconfirmed) — Toghrul R (m) 13:17, 3 noyabr 2023 (UTC)[cavabla]

@White Demon əslində normalda avtotəsdiqlənmiş istifadəçilər üçündür. Sadəcə biz avtotəsdiqlənmiş istifadəçilərdən addəyişmə hüququnu aldığımız üçün onlar məqaləni draft fəzasından çıxara bilməyəcəklər. Turkmen ^müzakirə 06:04, 4 noyabr 2023 (UTC)[cavabla]

•   Şərh: Bu sistemin effektiv olmamaqla birlikdə, əksinə mənfi təsirinin də olacağını düşünürəm. Bunu o layihədə tətbiq etmək olar ki, patrullar həm aktiv olsun, həm də dəqiq bilsinlər nəyi patrullamaq lazımdır. Patrullanmış o qədər məqalə olub ki, sırf patrullayım, göstərim ki mən bu hüququ istifadə edirəm deyə patrullanıb. Məncə azvikidə məzmunun aqibətini ip və yeni istifadəçilərin əlində saxlayaq, əlavə olaraq elementar vikiqaydaları bilməyən amma, patrul hüquq daşıyan istifadəçilərə həvalə etməyək. Tam əminəm ki, normal məqalələr qalacaq illərlə qaralama fazasında, qaydalardan əlaqəsiz, qaralama halında filan məqalələr patrullanıb normal fazaya keçiriləcək. Sırf vikidə iş gördüm, fəaliyyətim çoxalsın adına görülür çünki bəzi işlər. Ara yerdə istifadəçilərin hələ azviki ilə tanış olmamış həvəsi qırılacaq, qazanmadan itirəciyik. — surə ^m 14:03, 2 noyabr 2023 (UTC)[cavabla]

  @Sura Shukurlu Azviki artıq 20 ildən çoxdur ki, bu sistemlə işləyir. Və nəticə olaraq hazırki vəziyyətdə işin çox hissəsi aktiv istifadəçilərin üzərinə atılır. Bir nəfər məqaləni öz düşüncəsincə "atır" Vikipediyaya və onun SK-ya uyğunlaşdırılması, normal vəziyyətə gətirilməsi başqalarının üzərinə düşür. Bu sistem nədir? Ümumi olaraq istifadəçi ilk məqaləsini yaradanda məqalə "draft" fəzasında yaradacaq, sonrakı məqalələri artıq normal qaydada yaradacaq (artıq avtotəsdiqlənmiş istifadəçi olandan sonra). Turkmen ^müzakirə 06:20, 4 noyabr 2023 (UTC)[cavabla]

  @Turkmen Qaralama halında məqalə görəndə ona düzəliş edib üzərində iş aparan patrul hüquqlu ya da elə istənilən istifadəçi ona normal ad fəzasında olanda da düzəliş edəcək, qaralama fəzasında da. "Yığılıb qalmış" məqalələrin adi fəzada ya da qaralama fəzasında qalmağı eyni şeydir. Oxucular tərəfindən görünməsinə isə gəldikdə yeni məqalərdən birbaşa vandalizm məqsədli olanlar oxucular tərəfindən kəşf edilmir çox vaxt (axtardıqları mövzunu axtarıb o məqaləni tapırlar, Vikipediya belə istifadə edilir ən azından bizdə, random məqalələrə daxil olmurlar), həmçinin belə məqalələr onsuz tez bir zamanda fərq edilib silinir. VP:SK pozuntulu, qaralama halında olan məqalələrə isə gəldikdə, belə məqalələr vikidə hal-hazırda məzmunun əhəmiyyətli bir hissəsini təşkil edir və qaralama halındakı məqalələr də bizim indiki vəziyyətdə qazancımızdır. Oxucu ən azından bircə cümlə də olsa nəsə tapır azvikidə. Bu sistemin tətbiq edilməsinin böyük həcmdə problem olacağını demirəm, amma məqalə və istifadəçi itirməyimiz ilə bağlı fikrim bir yana, indiki halda azviki üçün effektiv, "nəyi isə dəyişdirəcək" sistem olmadığına əminəm. surə ^m 06:59, 4 noyabr 2023 (UTC)[cavabla]

  patrulumuz heç patrullamasın etmir. çox vaxt elə özünə patrul lazımdır. indi durub VP:SK baxacaq. üstəgəl azvikinin bütün patrullamaların demək olar ki, 2-3 istifadəçidən artığı etmir. qalaq-qalaq yığılıb qalacaq orda. Suranın dediklərinə qatılıram. real iş görmək lazımdır. hazır deyilik, ehtiyac yoxdur. effektiv olmayacaq. patrullama bu dəq 2-3 userin çiyinlərindədir. elə vandalizmlə mübarizə də. nəyi qoyub nəyi danışırıq. Atakhanli (müzakirə) 07:21, 4 noyabr 2023 (UTC)[cavabla]

  @Atakhanli, @Sura Shukurlu gəlin mövzu ətrafından uzaqlaşmayaq. Əgər patrulların fəaliyyəti problemlidirsə (sizinlə razıyam), bunun üçün xüsusi başlıq açmaq olar. İkinci məsələ "qaralama ad fəzasında" qalmış səhifə ilə birbaşa "əsas fəzada" qalmış səhifə eyni deyil. Birinci səhifə vikipediyanı "zibilləmir" və onun düzəldilməsi əssən yaradanın üzərinə düşür. Düzəldilməsə "qaralama" olduğu üçün silinəcək. Hansı ki, bəzi həmkarlarımız yaratdıqları məqalələr barədə "raport" verirlər (ümid edirəm səhv anlaşılmıram, sadəcə mövzu ilə əlaqəlidir). Burda əsas məsələ mexanizmin yaradılması (yaxud sınaqdan keçirilməsi) və məqaləni yaradanlara yükün bir hissəsini həvalə etməkdir. Üçüncü məsələ, bu bir mexanizmdir, gələcəkdə bizim üçün müəyyən manevr imkanları yaradacaq. Məsələn, "autoconfrimed"in həddlərini müəyyən etməkdə. Turkmen ^müzakirə 20:19, 5 noyabr 2023 (UTC)[cavabla]

  Əslində VP:Ü13 məhz bunun üçün nəzərdə tutulub. Nemoralis (müzakirə) 22:28, 8 noyabr 2023 (UTC)[cavabla]

• Bu arada məncə avtotəsdiqlənmiş yox avtopatrul olsa daha yaxşı olar. Avtotəsdiqlənmişi biz seçə bilmirik. İstənilən istifadəçi ola bilər. Nemoralis (müzakirə) 19:50, 9 noyabr 2023 (UTC)[cavabla]

  @Nemoralis, razıyam, məntiqlidir. samral ^müzakirə 00:17, 15 noyabr 2023 (UTC)[cavabla]

Nemoralis O zaman elə çıxır ki, ancaq avtopatrullar məqalə yarada bilməlidir? Bu böyük məhddiyyət deyil sizcə? — eldarado(müzakirə | fəaliyyət | meta səhifəsi) 17:43, 23 noyabr 2023 (UTC)[cavabla]

Bir neçə il əvvəl tətbiq etməyə çalışdığımız patrul sistemində də avtopatrul məhdudiyyəti var idi. Onda elə çıxır ki o daha bərbad fikir imiş. Nemoralis (müzakirə) 20:30, 23 noyabr 2023 (UTC)[cavabla]

Salam. YBot adlı bot hansı istifadəçi tərəfindən idarə olunur? Ümumiyyətlə RSGVS-yə baxan bu botun işi necə qurulub bilmirəm, amma səhvdir. İndilərdə siyahıdan 100K red. sahibi olan istifadəçini silib, əvəzinə daha az red. olanı siyahıya əlavə edib. Ümumiyyətlə siyahı özü səhvdir. Top-100 istifadəçi siyahısı əvəzinə 5000K red. sahiblərinin hamısının adı olsun. Əvvəl mən idarə edəndə siyahını belə idi. Daha qısa və sadə. Grenzsoldat 21:04, 6 noyabr 2023 (UTC)[cavabla]

Salam. İstifadəçi aktivlik göstərməyənə qədər hər hansı problem yox idi. Yəqin ki bug olub.— Bikar ^müzakirə 21:16, 6 noyabr 2023 (UTC)[cavabla]

Botun sahibi kimi göstərilənə yazdım. 5000K məsələsini isə başa düşə bilmədim.— Bikar ^müzakirə 21:20, 6 noyabr 2023 (UTC)[cavabla]

Problemin həll olunduğunu yazdı. Yenə də bir müddət nəzarətdə saxlayaq.— Bikar ^müzakirə 20:45, 7 noyabr 2023 (UTC)[cavabla]

Salam, mən Qalstuk məqaləsinə boyunbağı sözünü sinonimi əlavə etmişdim. Lakin mənbəni nəzərə almayaraq bu sinonim geri qaytarıldı. Başqa nəzarətçilərin fikrini öyrənmək istəyirdim və bunu həll etməsini rica etmək istəyirdim:

Boyunbağı sözü Azərbaycan Dilinin İzahlı Lüğətinə görə (ikinci mənada) qalstuk deməkdir^[1] buna əlavə olaraq Azərbaycan Dilinin Sinonimlər Lüğətində (Bakı 2007) 218-ci səhifədə qalstukun sinonimi boyunbağı kimi göstərilib. 1944-cü ilin "Rusca-Farsca-Azərbaycanca müxtəsər lüğət" kitabında rusca "галстук" sözünün tərcüməsi Azərbaycan dilində "qalstuk, boyunbağı" kimi verilib^[2]. 1909-cu ilin Sultan-Məcid Qənizadənin Rusca-Azərbaycanca Lüğət (Русско-татарский словарь, Баку, 1909) 77-ci səhifədə rusca "галстук" sözünün tərcüməsi "boyunbağı" kimi verilib. Bu mənbələr mən ancaq 10-15 dəqiqə içində tapdığım mənbələrdir, amma məncə bunlar yetər ki boyunbağı sözü qalstuk məqaləsinə sinonim söz kimi əlavə olunsun və mənim dəyişiyim geri qaytarılmasın. İdarəçilərdən xahiş edirəm bu barədə mənə kömək olsunlar. Sebirkhan (müzakirə) 18:37, 11 noyabr 2023 (UTC)[cavabla]

@Sebirkhan, siz bu cür əlavələri məqalələrin Adlandırma və ya Etimologiya bölmələrinə əlavə edə bilərsiz. İlk cümlədə ümumişlək olan sözlər verilir. Hamı da bilir ki, Azərbaycanda "boyunbağı" deyəndə ümumişlək olaraq "sep" nəzərdə tutulur. samral ^müzakirə 23:20, 12 noyabr 2023 (UTC)[cavabla]

Salam, məncə çox adam "qalstuk" sözünü sadəcə "klassik qalstuk" (kostüm qalstuku) kimi düşünür. Amma bu elə deyil. Dediyiniz "sep" tipli aksessuarlar da əslində "qalstukun" (boyunbağının) bir növüdür (misal üçün Osmanlı tarixində Əbdülhəmid Sultan dəbə salmış "qalstuk" (boyunbağı) dediyiniz tip qalstukdur, və tarixdə bunu çox qeyd edirlər – şəkil, və eyni cür kütləvi mədəniyyətdə də işlənən zərgərlik tipli qalstuklar çox işlənilir – şəkil-2 ).

Qalstukun bir neçə növünü saymaq olar:

• klassik qalstuk (qalstuk dediyində bir çox insanın ağlına gələn klassik geyim aksessuarı)
• pipion ("qalstuk-baboçka", kəpənək şəklində)
• pioner qalstuku (xüsusi şəkildə boğaza bağlanan qırmızı yaylıq)
• xorvat (kravat) qalstuku (yaxaya bağlanan şal) və bir sıra başqa qalstuklar həmçinin "sep"/"zərgərlik" tipli qalstuklar (boyunbağılar) Sebirkhan (müzakirə) 08:33, 13 noyabr 2023 (UTC)[cavabla]

istifadəçi hesab edirəm ki, xoş niyyətlidir. istifadəçinin ümumi fəaliyyətinə nəzər yetimişəm. istifadəçi səhifəsindəki qeydlərdən də xəbərim var. amma, bu cür fəaliyyət xoş qəbul edilmir və qəbul edilmiş VP:BURADADEYİL prinsipi ilə bloklana və ya fəaliyyəti məhdudlaşdırıla bilər. əlavələrinizi Samral bəyin də qeyd elədiyi kimi həmin məqalənin Etimologiya bölməsində (yoxdursa məqalə daxilində yarada bilərsiniz) qeyd etməyiniz daha məqsədəuyğundur. amma təbii ki, mötəbər mənbələr ilə işlənəcəksə. çünki çox vaxt görürəm ki, etimologiya, toponimlər ilə bağlı mənbələrimiz heç ürəkaçan olmur. ordan gələn redaktələr də heç üzəçıxacaq halda olmur. sadəcə iddia toplusu. Atakhanli (müzakirə) 01:38, 13 noyabr 2023 (UTC)[cavabla]

Sebirkhan, elə adları əlavə edən zaman ayrıca etimologiya başlığı açın və ora əlavə edin. Köhnəlmiş adlar preambulada ola bilməz. Ensiklopediya məqaləsinə XX əsrin əvvələrinə aid sözü qoymuşdunuz. Bu, düzgün deyil. --► Hörmətlə: SolaVirum 11:45, 13 noyabr 2023 (UTC)[cavabla]

Salam. Amma bu köhnəlmiş ad deyil. Bu sözü ən yeni Azərbaycan dilinin İzahlı Lüğətində (B hərfi üçün ən yeni nəşr 2006-ci ilə aiddir, və orada qalstuk anlamı üçün "köhnəlmiş" deyə bir qeyd yoxdur) və Azərbaycan Dilinin Sinonimlər Lüğətində tapmaq mümkündür Sebirkhan (müzakirə) 12:11, 13 noyabr 2023 (UTC)[cavabla]

@Sebirkhan, siz də qeyd etdiyiniz kimi, qalstuk da boyunbağının bir növü olduğu üçün sinonim kimi verilib. Məlum məsələdir ki, qalstuk da boyuna bağlanan bir bağ olduğu üçün boyunbağı da hesab edilə bilər, boyunbağının bir növü də. Lakin bu o demək deyil ki, biz qalstuk məqaləsinin ilk cümləsində qalın hərflərlə boyunbağı yazmalıyıq. Bir şeyi də nəzərinizə çatıdırım ki, İzahlı Lüğət 2006-da nəşr edilsə də 1960-ların təkrar nəşridir və bu nəşr də əsasən yazıçıların əsərlərindən sitatlar əsasında tərtib edilib ki, o yazıçılar arasında Osmanlı-fason yazmış, öz şeirlərində filan arxaik sözlərdən istifadə etmiş şair və yazıçılar da var. "Səyyarə" filan kimi. samral ^müzakirə 00:50, 14 noyabr 2023 (UTC)[cavabla]

tamam, təklif edirəm bu bunu müzakirəni səhifənin öz müzakirə səhifəsinə yazdırmaq (indi ora atıram) və və belə danışdıqda boyunbağı sözünü onu etilogiya bölməsində yazım Sebirkhan (müzakirə) 08:00, 14 noyabr 2023 (UTC)[cavabla]

Salam dostlar. Azərbaycan dilli Vikipediyada on ilə yaxındır fəaliyyət göstərirəm. Müəyyən zaman aralıqlarında istər məndən asılı olan, istərsə də məndən asılı olmayan səbəblərdən tam fəaliyyət göstərə bilməsəm də yenə də şərtlər uyğun olduqca gəlib burada töhfə vermişəm və buna görə şadam. Daim yaxşı və məzmunlu məqalələrin yaradılması üçün çalışmışam. Necə alınıb buna yəqin oxucular qərar verər və zaman göstərər. Bu müddət ərzində mənə bilmədiyimizi öyrədənlərə, səhvlərimi düzəldənlərə minnətdarlığmı bildirirəm. Müəyyən şəxsi səbəblərə görə bu gündən sonra qeyri-müəyyən müddətə fəal fəaliyyətimi dayandırıram. Bundan sonra əvvəl olduğu qədər fəal olmayacam. Ayda 1-2 dəfə burada olacam. Bu müddət ərzində mənə dəstəyini göstərən hamıya bir daha minnətdarlığımı bildirirəm. Özünüzdən muğayat ol. Bir gün qayıdacam :) Grenzsoldat 20:35, 20 noyabr 2023 (UTC)[cavabla]

Fəaliyyətinizdə uğurlar. --► Hörmətlə: SolaVirum 12:39, 21 noyabr 2023 (UTC)[cavabla]

İşlərinizdə uğurlar! Eminn (müzakirə) 13:04, 21 noyabr 2023 (UTC)[cavabla]

Uğurlar! Turkmen ^müzakirə 13:21, 21 noyabr 2023 (UTC)[cavabla]

Bir gün yenə görüşənə qədər.— Baskervill ☼ - De Gəlsin ! 21:59, 21 noyabr 2023 (UTC)[cavabla]

Uğurlar. — eldarado(müzakirə | fəaliyyət | meta səhifəsi) 21:57, 22 noyabr 2023 (UTC)[cavabla]

əsl vikiçi vikidən çox uzaq qala bilməz 😏😏 bir az hava almağa çıxmısan yəqin 😅 alan kimi qayıt. uğurlar! Atakhanli (müzakirə) 18:17, 23 noyabr 2023 (UTC)[cavabla]

Uğurlar!— Patriot (müzakirə) 20:54, 24 noyabr 2023 (UTC)[cavabla]

Uğurlar — Xeyal ^(müzakirə) 14:17, 26 noyabr 2023 (UTC)[cavabla]

Hörmətli yoldaşlar! Son həftələrdə Vikipediya barədə sosial şəbəkə istifadəçilərinin Vikipediya haqda yazdıqları barədə burada fikir bildirmək istəyirəm. O yazılar arasında birbaşa mənə ünvanlanan statuslar da var. Ümumiyyətlə, Vikipediya məqalələrinin və digər məsələlərin Vikipediyada müzakirə edilməsinin tərəfdarıyam. Ona görə digər platformalarda əlavə rəy bildirmək niyyətim yoxdur. Mənə hər hansı təzyiq edilməyib. Kənarda deyilənlərə görə Vikipediyadakı mövqeyimi də dəyişmək niyyətim yoxdur. Mövcud şərtlərdə silinmiş məqalələr şərtlər dəyişməmiş, yəni şəxsin, təşkilatın fəaliyyətində ciddi dəyişikliklər olmamış bərpa edilə bilməz. Vikipediya mövzusu ilə digər şəxslərin gündəmdə qalmaq, məşhurlaşmaq niyyətini də normal qəbul edirəm. Azərbaycan dilində məzmunun artırılması işində bütün vikipediyaçıların vacib rolu var və bu yolda davam etməliyik. Azərbaycan dilində Vikipediyaya (həmçinin digər Vikimedia layihələrinə) alternativ resurs yoxdur. Hər birinizə uğurlar arzulayıram. Eminn (müzakirə) 11:57, 25 noyabr 2023 (UTC)[cavabla]

AzVikidə fəaliyyət göstərənlərin şəxsi kimliyinin ifşalanması qəbuledilməzdir, hər birimizi təhlükə altına salır. Azad ensiklopediya adına uyğun fəaliyyətə təkan verməsi üçün buna riayət olunmalıdır. Dindirilmək, hədələnmək, bölmədə saxlanılmaq – bunlar vikipediyaçıların başına gəlməli olan şeylər deyil. --► Hörmətlə: SolaVirum 20:27, 26 noyabr 2023 (UTC)[cavabla]

Salam hərkəsə. Yəqin ki saytın ən yuxarısındakı elanları hərkəs görür. Bu elan mühüm layihələrin (vikidüşərgə, məqalə müsabiqəsi) elan olunmasında böyük əhəmiyyətə malikdir. Amma bizdə bu elan mobil cihazlarda görünmür. Bizdə isə oxucu kütləsinin böyük əksəriyyəti mobildəndir. Mobil versiya təxminən 4-5 dəfə daha çox istifadə olunur. Buna görə də təklif edirəm ki bizdə də bu elanların mobildə görünməsi ($wgMinervaEnableSiteNotice parametri) aktivləşdirilsin. İrəlidə bunun faydasının böyük olacağını (mobil istifadəçilərinin müxtəlif layihələrdən xəbər tutması) düşünürəm. Nemoralis (müzakirə) 20:22, 26 noyabr 2023 (UTC)[cavabla]

Dəstəkləyirəm bu təşəbbüsü. --► Hörmətlə: SolaVirum 20:25, 26 noyabr 2023 (UTC)[cavabla]

Geniş müzakirəyə ehtiyac olmadığını düşünürəm. Aktivləşdirilsin. — Bikar ^müzakirə 20:31, 26 noyabr 2023 (UTC)[cavabla]

Axırıncı cümləyə özümü nümunə göstərə bilərəm. 2018-ci ildə sadəcə bir neçə min redaktəsi olan, vikiyə o qədər də marağı olmayan biri idim. Kompüterlə vikiyə girdiyim üçün 2018 Bahar Vikidüşərgəsinin elanını görə bilmiş və iştirak edə bilmişdim :). Həmin düşərgədən sonra vikiyə marağım xeyli artmışdı. Xtoolsdan bunun qrafikinə baxa bilərsiniz. Nemoralis (müzakirə) 20:42, 26 noyabr 2023 (UTC)[cavabla]

Məndə görünür mobildə, əvvəl də görünürdü. Hamıda belə deyilsə bu parametrlə görünəcəksə dəstəkləyirəm. Bir də bu elanın hərfləri nə üçün bu qədər böyüdülüb? Məncə bu doğru deyil və kobud görünür. Həmişə paylaşdığımız kimi paylaşılmalıdır. — eldarado(müzakirə | fəaliyyət | meta səhifəsi) 20:48, 26 noyabr 2023 (UTC)[cavabla]

Mobildə iş masası rejimini istifadə edirsinizsə görünməsi normaldır. Normal mobil rejim Minerva skinini istifadə edir. O da yuxarıda qeyd etdiyim parametrin aktivləşdirilməsini tələb edir. Elanın fontunu mobil versiyanı yoxlamaq üçün böyütmüşdüm, geri qaytardım indi. Nemoralis (müzakirə) 20:57, 26 noyabr 2023 (UTC)[cavabla]

Bu arada elan istifadəçi qrupumuzun rəsmi saytında də yerləşdirilib. Saytımızı ziyarət etmək istəsəniz: az.wikimedia.org və ya wikimedia.az ünvanlarından birinə daxil ola bilərsiniz. — eldarado(müzakirə | fəaliyyət | meta səhifəsi) 21:07, 26 noyabr 2023 (UTC)[cavabla]

  Lehinə: Şiroi Akuma 22:08, 26 noyabr 2023 (UTC)[cavabla]

  Lehinə: əlbəttə ki, aktivləşdirilsin inşallah. @Nemoralis, çox gözəl təşəbbüsdür, təşəkkürlər. Məndə redaktə pənəcərəsində "ə" hərfi kvadrat formasında görünür. Bu da düzəlsə əla olar. samral ^müzakirə 23:31, 26 noyabr 2023 (UTC)[cavabla]

  Lehinə: Turkmen ^müzakirə 06:36, 27 noyabr 2023 (UTC)[cavabla]

  Lehinə: — Toghrul R (m) 08:28, 27 noyabr 2023 (UTC)[cavabla]

  Şərh: Vaxtınız xeyir, mobil dizaynda kateqoriyaların görünməsi mümkündürmü? MinervaNeue-da belə bir xüsusiyyətin olub-olmadığından əmin deyiləm, amma burada $wgMinervaShowCategoriesButton = [ 'base' => true ]; parametri qeyd edilib, "sandbox" tipli bir bölmədə yoxlanılmağı mümkündürmü? Həmişə kateqoriyaların olmamasına görə telefonda "desktop" rejiminə keçməli oluram. Hörmətlə, --IBAnk (müzakirə) 15:43, 27 noyabr 2023 (UTC)[cavabla]

@IBAnk, HotCat qadcetini aktivləşdirin, onla görünür bildiyim qədərilə Nemoralis (müzakirə) 19:11, 27 noyabr 2023 (UTC)[cavabla]

  Lehinə: Dəstəkləyirəm — Patriot (müzakirə) 18:22, 27 noyabr 2023 (UTC)[cavabla]

  Lehinə:— Baskervill ☼ - De Gəlsin ! 00:22, 28 noyabr 2023 (UTC)[cavabla]

  Lehinə: Futurolog21 (müzakirə) 16:23, 29 noyabr 2023 (UTC)[cavabla]

  Lehinə: Atakhanli (müzakirə) 06:55, 30 noyabr 2023 (UTC)[cavabla]

  Lehinə: Firuze Nesibli (müzakirə) 10:25, 3 dekabr 2023 (UTC)[cavabla]

  Lehinə: deniz 14:26, 3 dekabr 2023 (UTC) — Bu imzasız yazı Gunel Mustafayeva (m • t) adlı istifadəçi tərəfindən əlavə edilib;

  Həll edildi — Turkmen ^müzakirə 07:36, 5 dekabr 2023 (UTC

Neçə vaxtdır bu barədə düşünürəm. Fikir verirsizsə, 1 qayda qəbulu və ya dəyişikliyi üçün təxminən 1 ay vaxt gedir. 1 həftə - 10 gün müzakirə, 15 gün də şablon səsvermə. Mən təklif edirəm ki, eynilə SNS və BNS-dəki kimi qaydaların qəbulu və dəyişikliyini minimum 1 həftəlik müzakirə ilə edək. Əgər narahatıqsa ki, hər yoldan keçən müzakirədə iştirak edəcək filan. Əvvəla hal-hazırdakı qayda müzakirələri göstərir ki, belə bir hal baş vermir. İkincisi də eynilə SNS və BNS-dəki kimi iştirak hüququ tələbi qoyarıq ki, hər yoldan keçən rəy bildirə bilməsin. Əsas məsələ odur ki, 1 aylıq bu yersiz vaxt itkisindən qurtulaq. Yekunlaşdırmanı da eynilə SNS və BNS-dəki kimi inzibatçılar konsensusa uyğun edər. samral ^müzakirə 19:39, 10 noyabr 2023 (UTC)[cavabla]

vikidə bəzi prosedurların gec getdiyini qəbul edirəm. hətta dərhal olunmalı şeylər də bəzən gecikir. amma sırf qaydalar ilə bağlı təklifinizi dəstəkləmirəm. çünki, bütün hallarda qaydadır. qoy hamı görsün, ehtiyac olarsa qatılsın. elə belə yaxşıdır. həm də 1 həftə olduqca qısa müddətdir. düşünün önəmli qərar qəbul edilir, amma vikidə önəmli şəxslərin (aktivlik və töhfə baxımından) nəsə işi çıxıb 1 həftə girə bilməyib. və qayda qəbulunda iştirak etməyib. heç xəbəri də olmayıb. Atakhanli (müzakirə) 01:31, 13 noyabr 2023 (UTC)[cavabla]

@Atakhanli, yaxşı olsun, 2 həftə müzakirə. Amma sadəcə müzakirə. Müzakirə və qərar. SNS və BNS kimi. Tay 1-2 həftə müzakirə, 2 həftə də səsvermə, gəlir çıxır 1 ay. samral ^müzakirə 00:55, 14 noyabr 2023 (UTC)[cavabla]

Hara tələsirik anlamıram. Tez tələsik həll edəndə nə olur ki? Elə vaxt olur ki, bir həftə baş qarışıq olur vikiyə girmək olmur. Buna görə də faydalı dəyişiklik olacağına inanmıram. — eldarado(müzakirə | fəaliyyət | meta səhifəsi) 18:05, 10 dekabr 2023 (UTC)[cavabla]

Salam. Hər kəsi VP:BNS-dəki müzakirələrdə aktiv iştiraka dəvət edirəm. Baxın, səs verməyə demirəm, sadəcə "bərpa olunsun, olunmasın, yuxarıdakı fikirlərlə, arqumentlərlə razıyam" yazmağa yox, məhz müzakirəyə dəvət edirəm. VP:SNS-dən fərqli olaraq BNS-də passivlik müşahidə olunur. samral ^müzakirə 19:14, 30 noyabr 2023 (UTC)[cavabla]