Iv Ferhad Xan Qiyai Samli - Wikipedia

Iv Ferhad Xan Qiyai Samli - Wikipedia - Haqqında Məlumat

İv Fərhad xan Qiyai Şamlı (26 oktyabr 1957, Ukkel^[d], Brüssel paytaxt vilayəti^[d]) — Heydərqulu xan Qiyai Şamlının oğlu və Belçika memarı.

İv Qiyai Şamlı

Şəxsi məlumatlar
Doğum tarixi	26 oktyabr 1957(1957-10-26) (67 yaş)
Doğum yeri	Ukkel^[d], Brüssel paytaxt vilayəti^[d], Belçika
Vətəndaşlığı	Belçika
Təhsili	Janson-de-Sayi Liseyi^[d], Pratt İnstitutu^[d]
Atası	Heydər Qiyai Şamlı
Vikianbarda əlaqəli mediafayllar

Həyatı

redaktə

İv Fərhad Xan Qiyai Şamlı 1957-ci ildə Belçikanın Ukkel şəhərində anadan olub. Nəsilləri qızılbaş tayfa ittifaqına daxil olan Şamlı tayfasındandır. Müasir İran memarlığının ilk nümayəndələrindən biri olan Heydər Qiyai Şamlının oğludur. O, Parisdə yerləşən Janson-de-Sailly liseyini bitirdikdən sonra Nyu-Yorkda yerləşən Pratta İnstitutunda memarlıq üzrə təhsil almağa başlayır. 1982-ci ildə buradakı təhsilini bitirdikdən sonra Kaliforniya İncəsənət Kollecində memarlıq üzrə magistr dərəcəsi əldə edir.

O ilk fəaliyyətinə San-Fransiskoda futurustik evlərin tikintisi ilə başlayıb. 1983-cü ildə o, San-Fransiskoda "Ghiaï Architects" memarlıq şirkətinin əsasını qoyub. Bu şirkət vaxtilə atasının yaratdığı və 1979-cu ildə bağlanan şirkətin davamçısıdır. 1993-cü ildə o ilk irimiqyaslı sifarişini alır. Bu sifariş Kosta-Rikada dəniz kənarı şəhər layihəsi idi. 2003-cü ilin iyun ayında Britaniya Kolumbiyasının Prince George şəhərinin İv Qiyai tərəfindən hazırlanmış mərkəzi planı qəbul edilib. 2002-ci ildən etibarən Fransa Memarlar Akademiyasının xarici üzvüdür. 2011-ci ildə Kaliforniyanın Oklənd şəhərində yerləşən 30 mərtəbəlik "Iwate Tower" binasını tikmək sifarişi alıb. Kaliforniyanın Berkli Universitetində və İncəsənət Kollecində dərs deyir. 13 sentyabr 2018-ci ildən IPAG Biznes Məktəbinin direktorudur.^[1]