Agacanli - Wikipedia

Azərbaycan SSR-in inzibati ərazi bölgüsünə əsasən kənd Qarasu rayonuna aid edilirdi. Bu rayon ləğv edildikdən sonra Azərbaycan SSR-in Əli–Bayramlı rayonu tərkibinə daxil olmuş, 1939-cu ildə isə Qazıməmməd rayonu tərkibinə verilmişdir. 4 dekabr 1959-cu ildə Qazi–Məhəmməd rayonu ləğv edilmiş, kənd Əli–Bayramlı rayonunun tərkibinə verilmişdir. 1961-ci ilin İnzibati bölgüsünə əsasən, Ağacanlı kəndi Azərbaycan SSR Ali-Bayramlı rayonunun Kalinovski kənd sovetinə daxil idi. 1963-cü ildə əli Bayramlı rayonu ləğv edilmiş, Kalinovski kənd şurası isə Sabirabad rayonunun tərkibinə verilmişdir.^[2] 24 aprel 1990-cı ildə kənd yeni formalaşan Hacıqabul rayonunun tərkibinə verilmişdir. 1999-cu ildə Azərbaycanda inzibati islahat aparılmış və Meyniman inzibati ərazi dairəsi daxilində Hacıqabul Rayon Ağacanlı bələdiyyəsi yaradılmışdır. 2009-cu ildə Ağacanlı bələdiyyəsi ləğv edilmiş, kənd isə Ələtli bələdiyyəsi tərkibinə daxil olmuşdur.

• Ağacanlı oyk., düz.
• Sabirabad r-nunun Qaragüney i.ə.v.-də kənd. Kür çayının sahilində, Şirvan düzündədir. Etnotoponimdir. Oykonim XIX əsrin ortalarında Şirvandan köçmüş muğanlı tayfasının xiləmirzələr tirəsinə aid ağacanlı nəslinin adını daşıyır.
• Şirvan düzündədir.^[3]

Ağacanlı Kür çayının sahilində yerləşir.

Kənd Ələtlidən 6 km, Hacıqabul rayon mərkəzindən 17 km və Bakıdan 125 km məsafədə yerləşir. Ən yaxın dəmir yolu stansiyası Şirvan stansiyasıdır.

Kənd dəniz səviyyəsindən 21 metr aşağıda yerləşir. Kənddə yarımsəhra iqlimi var.^{[mənbə göstərin]}

2009-cu ilin siyahıyaalınmasına əsasən kənddə 245 nəfər əhali yaşayır.^[4]

Sovet dövründə kəndin yaxınlığında süd-əmtəə ferması yerləşirdi. Kənddə tam orta məktəb, tibb məntəqəsi, feldşer-mama məntəqəsi, kitabxana yerləşir. Əhali əsasən pambıqçılıq və heyvandarlıq ilə məşğul olur.

• Hacıqabul rayonu

• Azərbaycan Respublikası Hacıqabul Rayon İcra Hakimiyyəti