Aterina Xəzər dənizinin hər yerində yayılmışdır. Onlar əsasən dənizin sahil zonasında, az duzlu və şirinsu qatında, sürü halında yaşayırlar. Aterinaların səciyyəvi əlamətləri: — İri dişli ağızın, çox iri gözlərin bədən boyu, gümüşü zolağın olmasıdır. Aterinalar çox da böyük olmayan balıqlardır. Bədən uzunluğu 6–13 sm, kütləsi 2,7–13,5 q olur. 2–3 yaşında cinsi yetişkənliyə çatır. Suda temperatur 10–12 °C olduqda kürü verməyə başlayır və bu proses bütün yay aylarında davam edir. Kürülərin səthində sap şəkilli çıxıntılar vardır ki, onların köməyi ilə otlara yapışır, Uzunluğu 4–12 sm olan aterina orta hesabla 360 ədəd kürü verir. Aterina pelagik balıqdır, dənizdə fəsillər üzrə yerdəyişməsi zəif öyrənilmişdir. Müxtəlif orqanizmlərlə — plankton, dib orqanizmləri, həşarat və başqa balıq sürfələri və s. ilə qidalanır. Vətəgə əhəmiyyəti olmayan çoxsaylı balıqdır, xüsusi ovu aparılmır, sahil ov alətləri ilə kilkə ovlayarkən aterina da oraya düşür.^[3]

Təsnifatı

redaktə

Atherinopsoidei yarımdəstəsi
- Atherinopsidae fəsiləsi
Atherinoidei yarımdəstəsi
- Atherinidae fəsiləsi
- Atherionidae fəsiləsi
- Bedotiidae fəsiləsi
- Dentatherinidae fəsiləsi
- Isonidae fəsiləsi
- Melanotaeniidae fəsiləsi
- Notocheiridae fəsiləsi
- Phallostethidae fəsiləsi
- Pseudomugilidae fəsiləsi
- Telmatherinidae fəsiləsi

İstinadlar

redaktə

↑ Integrated Taxonomic Information System (ing.). 2004.
↑ Eschmeyer W., Fong J. D. “Pisces”. // Animal Biodiversity: An Outline of Higher-level Classification and Survey of Taxonomic Richness / red. Z. Zhang 2011. C. 3148, burax. 1. S. 26–38. ISBN 978-1-86977-849-1, 978-1-86977-850-7
↑ Əsgerov F. S., Zaytsev Y. Y., Qasımov R. Y., Quliyev Z."Biomüxtəliflik: Xəzərin əsrarəngiz balıqları" "Bəşər-XXI" nəşriyyatı, Bakı, 2003, səh71.

Həmçinin bax

redaktə

Mənbə — "https://az.wikipedia.org/?q=Aterinkimilər&oldid=7672511"