Azerbaycan Turbelerinin Siyahisi - Wikipedia

Azerbaycan Turbelerinin Siyahisi - Wikipedia - Haqqında Məlumat

Bu məqalədəki və ya bölmədəki məlumatlar köhnədir.

Səhifəyə yenilənmiş məlumatlar əlavə etməklə Vikipediyanı zənginləşdirməyə kömək edə bilərsiniz. (fevral 2024)

Azərbaycan türbələrinin siyahısı – müxtəlif dövrlərdə vacib şəxslər (zadəganlar, müqəddəslər, şairlər və s.) üçün inşa edilmiş türbələrin siyahısı.

Siyahı

redaktə

Dövlət adamları və onların ailələri

redaktə

#	Ad	Basdırılan şəxslər
1	Möminə Xatun türbəsi	Məhəmməd Cahan Pəhləvan və anası Möminə Xatun
2	Şirvanşahlar türbəsi	Şirvanşah I Xəlilullah. Ölüm tarixi 1465-ci ildir. Şirvanşahlar türbəsi girişinin əks tərəfindəki iri bədənli, hündürlüyü 2.10 metr olan skeletin ona məxsus olması^[1] və Xəlilullahın 1501-ci ildə Bakının alınmasından sonra qızılbaşlar tərəfindən yandırılmış cəsədinin Divanxanada basdırılması kimi fərqli mülahizələr mövcuddur.^[2] Şahzadə İbrahim (I Xəlilullahın oğlu). Ölüm tarixi 1432-ci ildir. 19 yaşında vəfat etmişdir. Şirvanşahlar türbəsindəki beşinci qəbir ona məxsusdur. Bu qəbirdən ipək parçanın qalıqları, mavi muncuq, iynəsinin uzunluğu 36 sm olan qızıl sancaq aşkar olunmuşdur.^[1] Bikə xanım (I Xəlilullahın anası). Ölüm tarixi 1435-1436-cı illərdir.^[3] Şirvanşahlar türbəsindəki ikinci qəbir ona məxsusdur.^[4] Şahzadə Fərrux Yəmin (I Xəlilullahın oğlu). Ölüm tarixi 1442-1443-cü illərdir. Şirvanşahlar türbəsindəki birinci qəbir ona məxsusdur. 7 yaşında vəfat edən Fərrux Yəminin sümükləri təmizlənərkən kəfən qalıqlarının olması müəyyənləşdirilmişdir.^[3]^[4] Şahzadə Şeyx Saleh (I Xəlilullahın oğlu). Ölüm tarixi 1445-1446-cı illərdir. Şirvanşahlar türbəsindəki dördüncü qəbir ona məxsusdur. 2 yaşında vəfat edən Şeyx Salehin qəbrindən şirli keramika və çilçıraq hissələri aşkarlanmışdır.^[3]^[1] Əmir Bəhram. Ölüm tarixi 17 aprel 1446-cı ildir. Qaytaq düzündə şəhid edilmişdir.^[3] I Xəlilullahın zövcəsi. Şirvanşahlar türbəsindəki üçüncü qəbir ona məxsusdur.^[1]
3	Şeyx Cüneyd türbəsi	Şeyx Cüneyd
4	Baba Samid məqbərəsi	Şirvanın ilk xanı olan Ağası xanın övladlarının bəziləri və bir xanımı burada dəfn olunub. İsmail bəy Sərkər (1760-1848) - Mərzili obasının sahibi. Xədicəxanım xanım Məlik Məmməd xanın qızı ilə 1771-ci ildə evlənmişdi, 1783-cü ildə vəfat etdi. Haşim xan Sərkər (1773-1845). Cəfər bəy Sərkər (1776-1827) - 1810-cu ildə Rudbar bəylərindən Gəray bəyin qızı Soltan bikə ilə evlənmişdir. Abdulla bəy Sərkər (1778-1842). Mehdi bəy Sərkər (1780-1827).
5	Cavad xan türbəsi	Cavad xan
6	Vaqif türbəsi	Molla Pənah Vaqif
7	Yeddigünbəz türbələr kompleksi	Mustafa xan

İstinadlar

redaktə

↑ ¹ ² ³ ⁴ Fərhadoğlu, 2006. səh. 128
↑ Aşurbəyli, 2006. səh. 329-339
↑ ¹ ² ³ ⁴ Aşurbəyli, 2006. səh. 313
↑ ¹ ² Fərhadoğlu, 2006. səh. 127

Ədəbiyyat

redaktə

Fərhadoğlu, Kamil. İçərişəhər. Bakı: Şərq-Qərb nəşriyyatı, AMEA Arxeologiya və Etnoqrafiya İnstitutu. 2006. 256 səh.
Fətullayev-Fiqarov, Şamil. Bakının memarlıq ensiklopediyası. Bakı: Şərq-Qərb, Azərbaycan Respubliksı Memarlar İttifaqı. 2013. 528 səh.
Dadaşov, S.; Useynov, M. Bakının memarlıq abidələri. Bakı: Azərbaycan SSR Elmlər Akademiyası Nəşriyyatı. 1955. 42 səh.
Aşurbəyli S. Şirvanşahlar dövləti (VI –XVI əsrlər). Avrasiya press, Bakı 2006.

Mənbə — "https://az.wikipedia.org/?q=Azərbaycan_türbələrinin_siyahısı&oldid=7495119"