Britaniya Akademiyasi - Wikipedia
Britaniya Akademiyası — Böyük Britaniyanın sosial və humanitar elmləri akademiyası. Akademiya 1902-ci ildə yaranıb və eyni ildə kral nizamnaməsini almışdır.[2][3] Akademiya hazırda humanitar və sosial elmlərdə bütün fənləri əhatə edən 1000-dən çox aparıcı akademikdən ibarət bir cəmiyyətdir və Birləşmiş Krallıqda tədqiqat layihələri üçün maliyyələşdirmə orqanıdır. Akademiya Londonda yerləşir.
| Britaniya Akademiyası | |
|---|---|
 | |
 | |
| Ümumi məlumatlar | |
| Ölkə | |
| Yaradılıb | 1902[1] |
| Digər məlumatlar | |
| İşçi sayı |
|
| Sayt | thebritishacademy.ac.uk |
 Vikianbarda əlaqəli mediafayllar | |
Məqsədləri
redaktə- Humanitar və sosial elmlərini inkişaf etdirmək
- Ən yaxşı tədqiqatçılara və tədqiqatlara investisiya etmək
- Cəmiyyətin ən böyük sualları ətrafında müzakirələri məlumatlandırmaq və zənginləşdirmək
- Davamlı beynəlxalq əlaqə və əməkdaşlığı təmin etmək
- Akademiyanın gələcəyini təmin etmək üçün onun aktivlərindən maksimum istifadə etmək.[4]
Britaniya Akademiyası ilk növbədə illik hökumət qrantları hesabına maliyyələşdirilir.
Tarixi
redaktəİlk dəfə 1899-cu ildə, Britaniyanın Avropa və Amerika akademiyalarının iclaslarında təmsil oluna bilməsi üçün “Tarix, Fəlsəfə və Filoloji Araşdırmaların Təşviqi üzrə Britaniya Akademiyası”nın yaradılması təklif edilib. O vaxtdan bəri indi "Britaniya Akademiyası" kimi tanınan təşkilat 17 dekabr 1901-ci ildə qeyri-korporativ cəmiyyət olaraq quruldu və 8 avqust 1902-ci ildə VII Kral Edvarddan Kral xartiyası aldı.[5]
O vaxtdan Britaniyanın ən görkəmli alimlərinin çoxu akademiyanın həyatında iştirak edirlər, o cümlədən Con Meynard Keyns, İsayya Berlin, Klayv Steyplz Lyuis, Henri Moore və b.
Akademiya 1998-ci ildə Londonda Carlton House Terrace ünvanında yerləşən binasına köçdü.
Maliyyələşdirmə sxemləri
redaktə
Britaniya Akademiyası, Böyük Britaniyada və xaricdə humanitar və sosial elmlər üzrə tədqiqatlar və təqaüdlər aparan şəxslərə və təşkilatlara dəstək üçün böyük dövlət maliyyə vəsaiti ayırır. Bu maliyyələşdirmə sxemləri alimlərə akademik karyeralarının müxtəlif mərhələlərində kömək etmək üçün nəzərdə tutulub və onlara doktorluqdan sonrakı təqaüdlər, Araşdırma təqaüdləri, kiçik tədqiqat qrantları və Britaniya Akademiyasının tədqiqat layihələri daxildir.
Biznes, innovasiya və professional biliklər Departamenti tərəfindən dəstəklənən əsas dövlət fondlarına əlavə olaraq, akademiya həmçinin bir sıra tədqiqat fəaliyyətlərini dəstəkləmək üçün hədiyyələr, miraslar, təqaüd töhfələri və tədqiqat fondu qrantları vasitəsilə alınan şəxsi vəsaitlərdən də istifadə edir.
Akademiya təqaüd çərçivəsində geniş çeşidli mənbələrin təcrübəsindən və Afrika, Çin, Yaxın Şərq, Avropa, Cənubi Asiya və Latın Amerikası/Karib hövzəsi üçün yeddi sahə qrupundan olan mütəxəssislərin məsləhətindən istifadə edir.[6] Akademiya həmçinin yerli təcrübə, maddi-texniki dəstək təmin edən və çox vaxt Böyük Britaniya alimləri üçün iş bazası olan xaricdəki institutlar şəbəkəsini maliyyələşdirir və əlaqələndirir. Bunlara Amman, Ankara, Afina, Qüds, Nayrobi, Roma və Tehrandakı tədqiqat institutları, həmçinin Afrika, Latın Amerikası, Cənubi Amerika və Şərqi Afrika daxil olmaqla dünyanın digər yerlərində strateji tədqiqat proqramları olan Böyük Britaniyada yerləşən mütəxəssis elmi cəmiyyətləri daxildir.[7]
Ali təhsil və tədqiqat
redaktəBöyük Britaniyanın humanitar və sosial elmlər üzrə milli səsi kimi Britaniya Akademiyası bu fənlərin və onların tədqiqat bazasının maraqlarını və sağlamlığını təşviq etmək və qorumaq öhdəliyi götürür. O, ali təhsil və tədqiqatın müvafiq məsələləri ilə bağlı hökumətə və digər orqanlara müstəqil təqdimatlar, rəsmi məsləhətləşmələrə bəyanatlar və təqdimatlar və elmi cəmiyyətlər, universitetlər, milli akademiyalar və digər müvafiq təşkilatlarla müntəzəm əlaqə saxlayaraq bir sıra siyasi tədbirlər və debatlar təşkil edir.
Mükafatları
redaktə
Britaniya Akademiyası ümumilikdə 15 mükafat və medal verir.[8]
- 2010-cu il — Britaniya Akademiyasının Prezident medalı. Hər il “humanitar və sosial elmlərin işinə görkəmli xidmət” göstərmiş beş nəfərə qədər mükafatçıya verilir.[9]
- 2013-cü il — Britaniya Akademiyası medalı. Hər il üç nəfərə qədər “Akademiyanın dəstəklədiyi humanitar və sosial elmlər fənlərindən hər hansı birində görkəmli akademik nailiyyətlərə görə” verilir.
- 1923-cü il — Burkitt medalı.[10]
- 1957-ci il — Kenyon medalı.[11]
- 2013-cü il — Qlobal Mədəni Anlaşma üçün Britaniya Akademiyası Kitab mükafatı[12]
- 2011-ci il — Siyasi Mətbuat üçün Peter Tounsend mükafatı.[13]
- 2009-cu il — Psixologiya üzrə Viley mükafatı.[14]
- 2013-cü il — İqtisadiyyat üzrə Viley mükafatı.[15]
- 2014-cü il — Siyasi Elm üzrə Brian Barry mükafatı.[16]
- 1920-ci il — Serena medalı.[17]
- 2012-ci il — Edvard Ullendorf medalı.[18]
- 1916-cı il — Rose Meri Кроушей mükafatı.[19]
- 1993-cü il — Grem Klark medalı.[20]
- 1925-ci il — Ser İsrael Qollanc mükafatı.[21]
- 2007-ci il — Landşaft arxeologiyası medalı.[22]
- 2014-cü il — Neil & Saras Smit medalı.[23]
- 1977-ci il — Derek Allen mükafatı.[24]
İstinadlar
redaktə- ↑ ROR Data. v1.19 2023. doi:10.5281/ZENODO.7644942
- ↑ "The Advancement of Natural Knowledge". Nature. 65 (1683): 289–291. 1902. doi:10.1038/065289a0.
- ↑ "A Chartered Academy". The Nineteenth Century and After. 51 (301): 493–505. 1902.
- ↑ "The British Academy Strategic Plan 2018-2022". The British Academy. 8 Jun 2020. Jun 25, 2020 tarixində arxivləşdirilib (PDF). İstifadə tarixi: 17 January 2018.
- ↑ 'The British Academy 1902–2002: Some Historical Notes and Documents', British Academy, 2002
- ↑ "The British Academy International Work".
- ↑ "British International Research Institutes".
- ↑ "The British Academy's Prizes and Medals".
- ↑ "The British Academy President's Medal".
- ↑ "Burkitt Medal for Biblical Studies".
- ↑ "Leverhulme Medal & Prize".
- ↑ "British Academy Book Prize for Global Cultural Understanding".
- ↑ "Peter Townsend Prize".
- ↑ "Wiley Prize in Psychology".
- ↑ "Wiley Prize in Economics".
- ↑ "Brian Barry Prize in Political Science".
- ↑ "Serena Medal".
- ↑ "Edward Ullendorff Medal".
- ↑ "Rose Mary Crawshay Prize".
- ↑ "Grahame Clark Medal".
- ↑ "Sir Israel Gollancz Prize".
- ↑ "Landscape Archaeology Medal".
- ↑ "Neil & Saras Smith Medal for Linguistics".
- ↑ "Derek Allen Prize".
Xarici keçidlər
redaktə- thebritishacademy.ac.uk — rəsmi saytı
