Gence Avtomobil Zavodu - Wikipedia
Gəncə Avtomobil Zavodu — Azərbaycanın Gəncə şəhərində fəaliyyət göstərən maşınqayırma müəssisəsi.
| Gəncə Avtomobil Zavodu | |
|---|---|
 | |
| Ümumi məlumatlar | |
| Tipi | ictimai şirkət |
| Sənaye | avtomobilqayırma |
| Məhsulu | avtomobil |
| Təsis tarixi | 1986 |
| Baş qərargahın yeri | |
| İqtisadi göstəriciləri | |
| Ümumi aktivlər | 79,3 milyon AZN (2019)[1] |
| Ümumi gəliri | 6 mln 241,7 min AZN (2019) |
| Xalis mənfəəti | 4 mln 993,4 min AZN (2019) |
| ganjaauto.gov.az | |
Tarixi
redaktə1986-cı ildə əsası qoyulmuş Gəncə Avtomobil Zavodunun istehsal gücü layihəyə əsasən 30 000 ədəd ortatonnajlı avtomobillərin istehsalı üçün hesablanmışdır. Müəssisənin tikintisi layihəyə görə 1989-cü illin sonlarına qədər başa çatdırmalı idi. Lakin Sovetlər Birliyinin dağılması nəticəsində zavodun tikintisini yarımcıq qalır. Yalnız 2004-cü ilin dekabırında Gəncə avtomobil zavodu işə düşüb və müəssisədə yığımdan keçən ilk avtomobil işıq üzü görüb.[2] 2006-cı ilin oktyabrında Minsk traktor və avtomobil zavodları ilə Gəncə avtomobil zavodu arasında əməkdaşlığın yaradılması barədə razılığa gəlinib. 2007-ci iln mart ayının 27-də isə Gəncə avtomobil zavodunda yığımdan keçən ilk «Belarus» markalı traktor konveyerdən düşüb. Paralel olaraq müəssisədə Belarusun “MAZ” yük avtomobillərinin yığımı da təşkil olunub. Həmin ilin aprelin 30-da müəssisədə yığılan «GƏNCƏ» və «PƏHLƏVAN» adları daşıyan ilk MAZ-lar işıq üzü görüb.[3]
İstehsal
redaktəZavodun istehsal gücü ildə 1 700-2 000 ədəd traktor və 950-1 000 ədəd yük avtomobilin istehsalına bərabərdir.
Zavodda 2008-ci ildə 600-ə yaxın traktor və avtomobil istehsal olunmuşdur. 2009-cu ilin aprel ayında zavodda 1000-ci traktor istehsal olundu. 2018-ci ilin aprel ayında Gəncə Avtomobil Zavodunun sayca 10 mininci traktoru istehsal edildi və həmçinin burada 3500-dən çox MAZ avtomobili və qoşqular buraxıldı.[4]
2020-ci ildə "Gəncə Avtomobil Zavodu" Finlandiyanın "Sampo" firması ilə əməkdaşlıq müqaviləsi əsasında “Sampo-Roselew” markalı kombaynların yığımına başlayacağını bildirib.[5]
Həmçinin bax
redaktəİstinadlar
redaktəBu məqalədəki istinadlar müvafiq istinad şablonları ilə göstərilməlidir. |
- ↑ ""Gəncə Avtomobil Zavodu"nun xalis mənfəəti 5 dəfəyədək artıb". 2021-05-07 tarixində arxivləşdirilib. İstifadə tarixi: 2020-08-17.
- ↑ "Gəncə Avtomobil Zavodunun Tarixi". 2011-07-06 tarixində orijinalından arxivləşdirilib. İstifadə tarixi: 2011-02-18.
- ↑ "Belarusdakı vəziyyət "Gəncə Avtomobil Zavodu"nun istehsalına təsir edibmi?". 2021-04-01 tarixində arxivləşdirilib. İstifadə tarixi: 2020-08-17.
- ↑ "Belarus Azərbaycanda dərman istehal edəcək". 2021-05-07 tarixində arxivləşdirilib. İstifadə tarixi: 2020-08-17.
- ↑ "Azərbaycanda "Sampo-Roselew" markalı kombaynlar yığılacaq". 2021-05-07 tarixində arxivləşdirilib. İstifadə tarixi: 2020-08-17.
Xarici keçidlər
redaktə- ganjaauto.gov.az — Rəsmi saytı
