Gece Gozetcisi - Wikipedia

"Gecə gözətçisi" — (nid. Nachtwacht) — Rembrandtın 1642-ci ildə çəkdiyi " Kapitan Frans Banniq Kokun və leytenant Villem van Röytenbürqün atıcı rotasının hücumu" adlı rəsm əsəri. Əsər holland rəssamlığının qızıl dövrünə aid edilir.

Gecə keşiyi
nid. De Nachtwacht
Rəssam	Rembrandt Harmens van Reyn
Tarixi	1642[1]
Texnikası	Yağlı boya
Ölçüləri	363 sm × 437 sm
Materialı	Kətan
Saxlanıldığı yer	nid. Rijksmuseum, Amsterdam
Saytı	rijksmuseum.nl/nl/collec… wga.hu/html/r/rembran/pa…
İnventar nömrəsi	SK-C-5[2], SA 7392[3]
Vikianbarda əlaqəli mediafayllar

1642-ci ildə Rembrand Atıcılar cəmiyyətinin yeni iqamətgahı üçün 4 metrlik bir tablo çəkmək üçün sifariş alır. Bu tabloda o, holland rəssamlıq məktəbinin ənənəsini pozmuş olur. Tabloda modellərin bilavasitə hərəkətli təsvir olunması sifarişçilərin bəyənməməsi üzündən imtina edilir. Tabloda personajların çoxluğu, kütləvilik Niderland inqilabı təsuratları yaratması sifarişçiləri qorxuya salmış olur.

İllər ötdükcə şəkildəki lak o qədər qaralmış və his bağlamışdır ki, şəkildəki hadisənin gecə vaxtı baş verməsi təəssüratını oyadır. 1947-ci ildə əsər bərpa edildikdən sonra məlum olmuşdur ki, əsərdə günəşli gün təsvir edilir, lakin "Gecə gözətçiləri" adı dünya incəsənət tarixində möhkəm yer tutmuşdur.