Maks Rimelt - Wikipedia

Maks Rimelt Berlin şəhərində anadan olub və indiyə kimi öz doğma şəhərində yaşayır. Onun bir qızı var^[1].

Maks heç bir teatr məktəbində təhsil almayıb. Buna baxmayaraq, o özünün ilk aktyorluq fəaliyyətini hələ 11 yaşında, oxuduğu məktəbin teatr dərnəyində həyata keçirmiş və orada bir çox tamaşalarda iştirak etmişdi^[1]. Geniş tamaşaçı auditoriyasına Maks Rimeltin adı 1998-ci ilin Milad bayramı günü təqdim olunan "İki tənha məşhur" adlı miniserialın təqdimatından sonra tanınmışdı. Serialın ardınca Maks tezliklə 50-dən artıq fərqli film və televiziya proyektlərində iştirak etməyə dəvət almışdı. Çəkilişlə parallel olaraq Maks uğurla təhsili davam etməyi özünə məqsəd qoymuşdu. 2007-ci ildə o aktyor peşəsində tam iş saatını götürərək, hərbi xidmətdən imtina etmiş və bundan sonra məktəb təhsilini tamamilə dayandırmağı qərara almışdı. Buna baxmayaraq onun orta təhsil aldığını təsdiq edən diplomu var.

1997-ci ildə 13 yaşı olarkən «Öpüş üçün ailə» filmində debyut rol almışdı. İki il sonra «Ayı qaçdı» macəra filmində çəkilmişdi. 2001-ci ildə «Amerikan piroqu»^[2] ruhunda rejissor və ssenari müəllifi Dennis Qanzel tərəfindən çəkilmiş Qızlar qızlar filmində baş rol almışdı. Bir sıra telesriallarda («Volf qanunu», «Kobra») ikincidərəcəli rol aldıqdan sonra, o yenidən Dennis Qanzellə iş birliyi bağlamışdı^[3]. 2003-cü ildə dram janrında çəkilmiş «Ölüm akademiyası» filmində baş rol alır. Məhz bu film üçün Karlovı Varı Beynəlxalq film festivalında Ən yaxşı aktyor nominasiyası üzrə qalib gəlir^[4]. 2010-cu ildə Maks yenidən Qanzel ilə birgə işləyərək, «Gecənin dadı» filmində vampir rolunu oynayır.

Dennis Qansel ilə yanaşı, Rimeltin bədii inkişafını təşviq edən rejissorları sırasına həmçinin Dominik Qraf da daxildir. 2006-cı ildə o aktrisa Cessika Şvarts ilə birgə Dominik Qraf tərəfindən yaradılmış Qırmızı kakadu adlı romantik-dram filmində çəkilmişdi. 14 fevral 2006-cı ildə Berlin kino festivalında «Qırmızı kakadu» filminin premyerası uğurla baş tutmuşdu^[5]. Filmindəki performansıyla (Maks bu filmdə "Ziggi" rolunu oynayırdı), o 2006-cı ildə Bavariya Film festivalının "Ən yaxşı gənc kişi aktyor" mükafatına layiq görülmüşdü^[6]. Qraf və Rimelt 2008-ci ildə öz birgə əməkdaşlığını "Cinayət qarşısında" adlı triller janrlı filmin çəkilişləri ilə davam etdirdi.

Lakin əsl məşhurluq ona 2013-cü ildə rejissor Ştefan Lakantın Sərbəst eniş filmində Kai Engel adlı homoseksual oğlan rolu gətirmişdi.

• 2013-cü ildə Glamour jurnalı özünün illik siyahısını açıqlayaraq, 100 "Ən seksual gənc aktyor" iştirakçı içərisinə Maks Rimelti də əlavə etmişdi^[7].
• Alman tabloidləri Maksın rəfiqəsinin "deyəsən bir az hamilə olduğunu" açıqlamışdı. Cütlüyə yaxın olanlar bu məlumatı təsdiqləmişdilər^[8].
• Jurnalistlərin müğənni PSY-ya verdiyi "Hansı məşhurun Gangnam Style'da görmək istərdiniz?" sualına o "Maks Rimelt" - deyərək cavab vermişdi. Bundan sonra Maks gizli olaraq bu rəqsi təcrübə etdiyi deyilir^[9].

• 2005: Almaniyanın Shooting Star Mükafatı
• 2006: Bavariya film Mükafatı - Qırmızı Kakadu filmində ən yaxşı kişi rolu üzrə
• 2007: Sixth Marrakesh International Filmfestival: Ən yaxşı kişi rolunun ifası üzrə Mükafat
• 2008: Dalğa filmi üzrə Undina Film Festivalında Bədii filmdə ən yaxşı gənc aktyor mükafatı
• 2010: Xüsusi performans göstərən aktyor kateqoriyası üzrə Almaniya Televiziya mükafatı.
• 2011: Grimme-Preis - Cinayət qarşısında filmində baş rola görə
• 2013: Sərbəst eniş filmində baş rola görə Hanno Koffler ilə birgə Günter Rorbax mükafatı

• Béatrice Ottersbach, Thomas Schadt, Nina Haun (2007), Max Riemelt: „Man muss lernen, sein Selbstwertgefühl nicht über die Schauspielerei zu definieren“ in Schauspieler-Bekenntnisse, Uvk

• Maks Rimelt — IMDb səhifəsi
• Max Riemelts Management Arxivləşdirilib 2013-10-29 at the Wayback Machine
• Von der Rolle – Porträt von Katja Hübner im Tagesspiegel, 5. Januar 2010, S. 25
• Was ist dein Plan? – Interview mit der Zeitschrift U_mag / April 2008