Rauf Memmedov Sahmatci - Wikipedia

Rauf Memmedov Sahmatci - Wikipedia - Haqqında Məlumat

Vikipediyada bu ad-soyadlı digər şəxslər haqqında da məqalələr var; bax: Rauf Məmmədov.

Rauf Məmmədov (26 aprel 1988, Bakı) — Azərbaycan şahmatçısı, qrosmeyster (2004), üç qat Azərbaycan Şahmat Çempionatının qalibi (2004, 2006 ^{[mənbə göstərin]}, 2008, 2015).

Rauf Məmmədov

Ölkə	Azərbaycan
Doğum adı	Rauf
Doğum tarixi	26 aprel 1988 (36 yaş)
Doğum yeri	Bakı Azərbaycan SSR
Titulu	qrosmeyster (2004)
Son reytinqi	2654 (sentyabr 2021)
Maksimal reytinqi	2709 (dekabr 2017)^[1]
FİDE nömrəsi	13401653
Vikianbarda əlaqəli mediafayllar

Həyatı

Şahmat oynamağa 7 yaşından başlayıb. 2004-cü ildə qrosmeyster olub.

O, 2009-cu ildə Novi Sad və 2013-cü ildə Varşavada keçirilən Şahmat üzrə Milli Komandaların Avropa çempionatında qızıl medal, daha öncə 2007-ci ildə isə bürünc medal qazanmış Azərbaycan komandasının tərkibində, Şəhriyar Məmmədyarov, Teymur Rəcəbov, Vüqar Həşimov və Qədir Hüseynovla birgə oynamışdır.

2009-cu ildə Rauf Texas ştatının Lubbock şəhərində keçirilən 16-cı kateqoriyalı SPİCE Kubok Turnirində Yuri Kuzubov və Dmitri Andreykinlə 1–3-cü yerləri bölüşdürmüşdür.

2011-ci ildə Corsica Masters blitz turnirinin qalibi olmuşdur.

2015-ci ildə Minskdə keçirilən Şahmat üzrə Avropa Bitz Çempionatının qalibi olmuşdur.

Üç qat Azərbaycan Şahmat Çempionatının qalibi olmuşdur (2004^[2], 2006^{[mənbə göstərin]}, 2008, 2015).

Rauf 2015 və 2016-cı ildə keçirilən Şəmkir Beynəlxalq Şahmat Turnirinin iştirakçısı olmuşdur.

Azərbaycnın milli komandası ilə Şahmat üzrə Milli Komandaların Avropa çempionatı 2007.
Avropa çempionatı 2007.

↑ Mamedov, Rauf Arxivləşdirilib 2021-05-26 at the Wayback Machine fide.com (FİDE) (ing.)
↑ "Победители определены" (PDF). Azerizv.az. 14 сентября 2004 года. səh. 4. 2016-09-23 tarixində orijinalından (PDF) arxivləşdirilib. İstifadə tarixi: 2016-12-10. (rus.)