Soldan Axirinci Ev Film 1972 - Wikipedia

Kolinvud ailəsi 3 nəfərdən ibarətdir. Ailənin yeganə qızı Meridir. O, 17-ci yaş gününü qeyd etmək üçün rəfiqəsi Filis ilə birlikdə fanat olduqları bir rok-konsertə gedirlər. Amma, yolda gedərkən maşının radiosunda iki cinayətkarın qaçdığı xəbərini eşidirlər. Onlardan biri Krug Stillo (David Hess, digəri isə "Gəlincik" adı ilə tanınan Fred Podovskidir). Onlar qaçarkən iki polis əməkdaşı və arxalarından göndərilən bir alman iti də öldürülüb. Axşam qızlar marixuana almaq üçün küçədə gəzişirlər. Onlar burada qaçan cinayətkarlardan Jr. Stillo ilə (Marvin Heyz) rastlaşırlar. Stillo onları narkotika vermək adı ilə evlərinə aparır. Qızlar içəri keçərkən Stillo qapını bağlayır və cinayətkarlar onlara sataşırlar. Digər tərəfdə isə Merinin atası və anası öz evində öz qızına ad günü tortu hazırlayır. Qızlar isə əlləri bağlı öldürülmək üçün meşəyə götürülür və orada işgəncələrə məruz qalırlar. Sonradan Filis qaçaraq canını xilas edir və yola çıxarkən Krug Stillo bıçaqla onun qarşısını kəsir. Cinayətkarlar sonda Fillisə dəhşətli işgəncələr verdikdən sonra onu müxtəlif nahiyələrdən bıçaqlayaraq onun ürəyini çıxarır. Meri isə rəfiqəsi Filisin xəbərini gözlədiyi anda Stillo ona ölmüş rəfiqəsinin ürəyini göstərir və ümidsiz Meri bataqlığa gedir. Nəticədə, Krug Stillo tərəfindən silahla bataqlıqda vurularaq öldürülür. Cinayətkarlar isə qaçaraq başqa bir evə sığınırlar. Sonradan aydın olur ki, həmin ev Merinin ailəsinin evidir. Xanım Kollinvud kömək üçün özünü piss hiss edən Cunior Stillonun boynundakı boyunbağıdan şübhələnir və nəhayə ölmüş Meri və Fillisin izlərini tapmağa cəhd edir. Nəhayət, şübhələrdən sonra ailə gecə meşədə qızların cəsədləri ilə rastlaşırlar. Sonda valideynlər cinayətkarları öldürərək qızlarının intiqamını alır və sonda da polis içəri daxil olur.

• Bu film 2002-ci ilə qədər Böyük Britaniyada qadağan olunmuşdur.
• Film komissiyaya göndərilən zaman ən böyük porno filmlərə verilən reytinq olan MPAA — "X" reytinqinə sahib olmuşdur. Ues Kreyven əvvəlcə filmdən 10 dəqiqə kəsir. Amma reytinq dəyişmir. Bu zaman Ues Kreyven yenidən 10 dəqiqə kəsir. Lakin reytinq əvvəlki vəziyyətdə qalır. Reytinqin dəyişmədiyini görən Ues Kreyven dostundan ştampı alıb "R" (17 yaşdan yuxarı və valideynlərin nəzarəti altında) reytinqini qeyd etmişdir ki, çoxlu ölkələr "Soldan axırıncı ev" filmini alsın.
• Filmin çəkilişi Konnektikut şəhərinin Uestport şəhərində aparılıb.
• Filmin digər adı "Qanlı təcavüz" adlanır.
• Film Ues Kreyvenin ilk filmdir.
• Ues Kreyven "Meri" adını sinif yoldaşı Meri Kollinvudun adından götürmüşdür.

• Soldan axırıncı ev — Internet Movie Database saytında