Vikipediya Heftenin Secilmis Meqalesi 8 Hefte 2024 - Wikipedia

Vikipediya Heftenin Secilmis Meqalesi 8 Hefte 2024 - Wikipedia - Haqqında Məlumat

Böyük Malta mühasirəsi — 1565-ci ilin may–sentyabr aylarında Osmanlı sultanı Qanuni Sultan Süleyman ordusu tərəfindən Malta adasının mühasirəsi. O dövrdə ada Malta hospitalyerləri tərəfindən işğal edilmişdi. Mühasirə Aralıq dənizində hökmranlıq uğrunda Avropa gücləri ilə Osmanlı imperiyası arasındakı rəqabətin pik nöqtəsi idi.

1522-ci ildə Sultan Süleyman tərəfindən Rodos ələ keçirildikdən və ordenin cəngavərləri səkkiz il Avropanı dolaşdıqdan sonra 1530-cu ildə Maltaya gəldilər. Osmanlı gəmiləri onları təqib edirdi. Onların piratçılıq fəaliyyəti ilə üzləşən Süleyman Qanuni ordusunu Malta arxipelaqına göndərmək qərarına gəldi. Onun son məqsədi isə strateji dəniz bazasını yaratmaq idi.

1565-ci il may ayının sonunda Mustafa Paşa və Piyalə paşanın komandanlığı altında türk ordusu və donanması Maltaya gələrək adanın qalalarını mühasirəyə aldı. Ordenin Böyük magistrı Jan Parizo de la Valett İtalyan və İspan muzdluları və Malta milisləri tərəfindən dəstəklənən orden cəngavərlərinə rəhbərlik edirdi.

(Davamı...)

Arxiv – Digər seçilmiş məqalələr...

Mənbə — "https://az.wikipedia.org/?q=Vikipediya:Həftənin_seçilmiş_məqaləsi/8._Həftə_2024&oldid=7829308"