Yaramaz Pisik Serafeddin - Wikipedia
Yaramaz pişik Şərafəddin (türk. Kötü Kedi Şerafettin) və ya qısa adı ilə Şero — 1996-ci ildə yaradılmış komiks personajı. 1996-cı ildə Bülənt Üstün ölən pişiyi Şərafəddinin xatirəsinə işlədiyi "L-Manyak" jurnalında personajı yaratmışdır. 2001-ci ildə komiksçi "Lombak" jurnalına keçmişdir.
| Yaramaz pişik Şərafəddin | |
|---|---|
| türk. Kötü Kedi Şerafettin | |
 Yaramaz pişik Şərafəddinin bir çox məhsulunda istifadə olunan təsviri. | |
| Nəşriyyat |
 L-Manyak |
| Yayım tarixi | "L-Manyak" #2 (fevral 1996) |
| Yaradıcı(lar) | Bülənt Üstün |
| Xüsusiyyətlər | |
| Cinsiyyəti | erkək |
| Göz rəngi | sarı |
| Növü | pişik |
| Komiks bioqrafiyası | |
| Yaxınları |
Tonquç (atası) Tacəddin (oğlu) |
| Ləqəbləri | Şero |
Şeronu təsvir edərkən onun bu qədər məşhur olacağına ağlına gətirməyən Üstün personajın Türkiyə üçün nisbətən daha sərt olduğunu qeyd etmişdir.[1]
Hekayəsi
redaktəŞero İstanbul ilinin Cihangir səmtində yaşayan bəlalı bir pişikdir. Burada əsas personaj olan pişiklər danışmaq qabiliyyətinə malikdirlər. Yarı insan, yarı heyvan personaj olan Şərafəddin Tonquçun masturbasiya etdikdən sonra ətrafa tökülən spermasında oturan dişi bir pişikdən dünyaya gəlmişdir. Daha sonrakı zamanlarda 7 pişik tərəfindən təcavüzə uğramış dişi pişikdən Tacəddin adlı oğlunun olduğu məlum olmuşdur.
Populyar mədəniyyətdə
redaktəYaramaz pişik Şərafəddin xüsusilə Türkiyədəki gənclər arasında 1990-cı illərin sonlarında məşhurluq qazanmış və hekayələri paylaşılmışdır. "Ekşi Sözlük" kimi məşhur saytlarda tez-tez Qarfild və Hitkliff kimi uydurma pişiklərlə müqayisə olunmuşdur.[2] Üzərində Şərafəddinin təsviri olan bir çox köynək satılmışdır. Bundan başqa onunla əlaqədar olan başqa məhsullar da çıxarılmışdır.
2002-ci ildən bu yana Şərafəddin haqqında 4 kitab albomu çıxmışdır.[3]
Nil Karaibrahimgilin 2009-cu ildə çıxmış "Nil Kıyısında" adlı albomuna daxil olan "Seviyorum sevmiyorum" mahnısındakı "Yok ki senin bir yedeğin, Kötü Kedi Şerafettin!, Söyle nasıl kıydın bana?, Hem canındım, hem ciğerin" misralarında personajın adından istifadə olunmuşdur.[4]
Film
redaktə
Yaramaz pişik Şərafəddin haqqında Mehmet Kurtuluş və Ayşe Ünalın rejissor olduğu "Yaramaz pişik Şərafəddin" animasiya filmi 5 fevral 2016-cı ildə ekranlara buraxılmışdır.[1]
İstinadlar
redaktə- ↑ 1 2 "Bülent Üstün röportajı - Cihangir Güzelleştirme Derneği sitesi". 2009-03-14 tarixində orijinalından arxivləşdirilib. İstifadə tarixi: 2015-12-16.
- ↑ Ekşi Sözlük ilgili madde
- ↑ "Kötü Kedi Şerafettin kitapları". 2016-03-04 tarixində arxivləşdirilib. İstifadə tarixi: 2015-12-16.
- ↑ "Dailymotion videosu". 2009-02-09 tarixində arxivləşdirilib. İstifadə tarixi: 2015-12-16.
