Yevgeni Dianov - Wikipedia

Yevgeni Dianov (31 yanvar 1936, Tyoplo-Oqaryovsk rayonu^[d], Moskva vilayəti – 30 yanvar 2019^[1], Moskva) – rus fiziki, akademik. 2002-ci ildən Rusiya Elmlər Akademiyasının Rəyasət heyətinin üzvü. SSRİ Dövlət mükafatı laureatı (1974). Rusiya Federasiyasının Dövlət mükafatı laureatı (1998).

Yevgeni Dianov
Doğum tarixi	31 yanvar 1936(1936-01-31)
Doğum yeri	Tyoplo-Oqaryovsk rayonu[d], Moskva vilayəti, RSFSR, SSRİ
Vəfat tarixi	30 yanvar 2019(2019-01-30)[1] (82 yaşında)
Vəfat yeri	Moskva, Rusiya
Dəfn yeri	Xovan qəbiristanlığı
Elmi dərəcəsi	fizika-riyaziyyat elmləri doktoru
Elmi adları	REA-nın akademikləri[d]
Təhsili	Moskva Dövlət Universiteti Fizika fakültəsi[d]
Elmi rəhbəri	Aleksandr Proxorov
Üzvlüyü	Rusiya Elmlər Akademiyası
Mükafatları

Moskva Dövlət Universitetini bitirmişdir (1960). 1960–83 illərdə SSRİ EA-nın P. N. Lebedev adına Fizika İnstitutunda, 1983-cü ildən Rusiya Elmlər Akademiyasının Ümumi fizika institutunda işləmişdir, 1994-cü ildən bu institutun nəzdində Lif Optikası Elmi Mərkəzinin direktoru olub. Əsas elmi işləri lazer fizikası və lif optikasına aiddir. Dianovun rəhbərliyi altında lif işıqötürənlər üzrə lazer şüalanmasının yayılmasım müşayiət edən hadisələr aşkar edilib öyrənilmiş, yeni tipli şüşə lif işıqötürənlər işlənib hazırlanmış və lif lazerlərinin yeni nəsli yaranmışdır.